Category: Meistaraflokkur Kvenna

Sala árskorta 2019-2020

Sala árskorta körfuknattleiksdeildar Skallagríms er hafin og verður hægt að kaupa kortin á fyrstu heimaleikjum meistaraflokkana. Einnig er hægt að panta kort í gegnum Facebook síðu deildarinnar.

Verðflokkar eru eftirfarandi:

– Fjölskyldukort á alla leiki karla og kvenna (nema bikarleiki) 30.000

– Árskort fyrir einstakling á alla leiki karla og kvenna (nema bikarleiki) 25.000

– Árskort bara á karla eða kvenna leiki (nema bikarleiki) 15.000

– Frátekið sæti á leikjum 20.000 (bara í boði ef keypt er árskort á leiki beggja liða)

Stjórnin

Guðrún Ósk er nýr þjálfari meistaraflokks kvenna

Körfuknattleiksdeild Skallagríms hefur ráðið Guðrúnu Ósk Ámundadóttur sem nýjan þjálfara meistaraflokks kvenna. Guðrún var aðstoðarþjálfari meistaraflokks á síðasta tímabili og í leikmannahópi Skallagríms. Einnig hefur hún þjálfað yngri flokka hjá félaginu undanfarin ár.

Hún er 32 ára gömul og er Borgnesingur í húð og hár sem byrjaði að æfa körfu með yngri flokkum Skallagríms. Hún á að baki langan feril í meistaraflokki og fjölda leikja í efstu deild með Haukum, KR og svo Skallagrími og hefur hampað bæði Íslands- og bikarmeistaratitlum sem leikmaður.

Ánægja er með komu Guðrúnar í þjálfarastólinn en hún byrjaði að stýra liðinu fyrr í mánuðinum. Hún undirbýr nú öflugan hóp meistaraflokks kvenna af fullum krafti fyrir átök vetrarins.

Áfram Skallagrímur!

Samið við Lisbeth og Heiði

Körfuknattleiksdeild Skallagríms hefur samið við Lisbeth Ingu Kristófersdóttur og Heiði Karlsdóttur um að leika og æfa með meistaraflokki kvenna í vetur. Báðar eru þær 14 ára gamlar og koma úr uppsveitum Borgarfjarðar. Þær hafa æft með Umf. Reykdælum á undanförnum árum og leikið með sameiginlegum liðum Reykdæla og Skallagríms í yngri flokkum kvenna.

Báðar eru þær efnilegar körfuboltakonur sem hafa tekið jöfnum og góðum framförum en þær voru sem dæmi valdar í Afreksbúðir KKÍ og Kristals sl. vor. Þá æfðu þær með meistaraflokki kvenna á síðasta tímabili.

Frekari tíðindi af meistaraflokki kvenna eru væntanleg á næstu dögum.

Áfram Skallagrímur!

Myndir: Lisbeth og Heiður handsala samninga við Hauk Erlingsson hjá kvennaráði körfuknattleiksdeildar Skallagríms

Inga Rósa snýr aftur í Skallagrím

Körfuknattleiksdeild Skallagríms hefur samið við Ingu Rósu Jónsdóttur um að leika með meistaraflokki kvenna í vetur. Inga Rósa er 18 ára gömul og leikur stöðu bakvarðar en hún er uppalinn Skallagrímskona.

Hún gekk í raðir Snæfells fyrir tveimur árum og lék með þeim tímabilið 2017-2018 en tók sér hlé frá körfunni síðasta vetur. Hún hefur nú snúið aftur heim í heimahagana og tekur slaginn með Skallagrími í Domino’s deildinni í vetur.

Ánægja er með komu Ingu Rósu í Skallagrím og mun hún þétta raðir meistaraflokks kvenna enn frekar.

Frekari tíðindi af meistaraflokki kvenna eru væntanleg á næstu dögum.

Áfram Skallagrímur!

Mynd: Inga Rósa handsalar samninginn við Þórhildi Maríu Kristinsdóttur hjá kvennaráði körfuknattleiksdeildar Skallagríms.

Charlotte Thomas-Rowe gengur til liðs við Skallagrím

Körfuknattleiksdeild Skallagríms hefur samið við bresku körfuboltakonuna Charlotte Thomas-Rowe og mun hún leika með meistaraflokki kvena í Domino’s deildininni í vetur.

Charlotte, eða Charlie eins og hún er kölluð, er 24 ára gömul og leikur stöðu bakvarðar. Hún lék með skólaliði Grande Prairie Regional College (GPRC Wolves) í Alberta fylki í Kanada árið 2016 og hefur síðan leikið með félagsliðum á Ítalíu og í Danmörku. Síðasta tímabil lék hún með Lemvig í dönsku úrvalsdeildinni.

Við bjóðum Charlie velkomna í Borgarnes og hlökkum til að sjá hana taka slaginn með Skallagrími í vetur!

Áfram Skallagrímur!

Sigrún Sjöfn áfram í herbúðum Skallagríms

Körfuknattleiksdeild Skallagríms hefur endurnýjað samning sinn við Sigrúnu Sjöfn Ámundadóttur og mun hún því leika í gulu og grænu í vetur. Sigrún, sem er 30 ára gömul og Borgnesingur í húð og hár, er reynslumeisti leikmaður liðsins og fyrirliði og því dýrmætt að Skallagrímur njóti krafta hennar áfram.

Sigrún á glæsilegan feril að baki í meistaraflokki og á að baki á þriðja hundrað leikja í úrvalsdeild og hampað Íslands- og bikarmeistaritlum. Þetta gerir hana að einum reynslumesta leikmanni Domino’s deildarinnar. Hún hefur leikið með Haukum, KR, Hamri, Grindavík og svo Skallagrími síðan 2015. Þá á hún að baki fjölda leikja með A-landsliði Íslands.

Deildin lýsir yfir ánægju sinni með að hafa Sigrúnu áfram í herbúðum Skallagríms.

Frekari fregnir af meistaraflokki kvenna berast á næstu dögum.

Áfram Skallagrímur!

Emilie Hesseldal í Skallagrím

Körfuknattleiksdeild Skallagríms hefur samið við dönsku landsliðskonuna Emilie Hesseldal um að leika með meistaraflokki kvenna á komandi tímabili í Domino’s deildinni.

Hesseldal, sem er 28 ára gömul, leikur stöðu framherja og hefur leikið með félagsliðum í Danmörku og Portúgal við góðan orðstír. Þá lék hún í háskólaboltanum í Bandaríkjunum um þriggja ára skeið með Colarado State.

Stjórn deildarinnar býður þennan öfluga leikmann velkominn í Skallagrím!

Samið við Árnínu og Örnu

Körfuknattleiksdeild Skallagríms hefur endurnýjað samninga við þær Árnínu Lenu Rúnarsdóttur og Örnu Hrönn Ámundadóttur og munu þær leika með Skallagrími í Domino’s deildinni í vetur.

Árnína kom frá Njarðvík fyrir síðasta tímabil og var hún fastamaður í liðinu með 4,6 stig að meðaltali í leik. Hún er 25 ára og leikur stöðu framherja.

Arna, sem er 17 ára, er uppalinn Skallagrímskona og leikur stöðu bakvarðar. Hún hefur verið í meistaraflokki undanfarin tímabil og tekið góðum og jöfnum framförum.

Frekari tíðindi af leikmannamálum meistaraflokks kvenna eru væntanleg á næstunni.

Áfram Skallagrímur!

Myndir: Árnína og Arna handsala samninga við Guðveigu Lind Eyglóardóttur hjá meistaraflokksráði kvenna.

Samið við Þórunni Birtu

Körfuknattleiksdeild Skallagríms hefur endurnýjað samninga við Þórunni Birtu Þórðardóttur og verður hún í leikmannahópi meistaraflokks kvenna næsta vetur. Birta er uppalinn Skallagrímskona og hefur verið með meistaraflokki undanfarin þrjú tímabil og tekið góðum framförum. Hún er 18 ára gömul og leikur stöðu bakvarðar.

Frekari tíðindi af leikmannamálum meistaraflokks kvenna munu berast á næstunni.

Áfram Skallagrímur!

Mynd: Birta ásamt Guðveigu Lind Eyglóardóttur og Þórhildi Maríu Kristinsdóttur hjá meistaraflokksráði kvenna að undirritun lokinni.

Maja og Gunnhildur semja við Skallagrím

Maja Michalska og Gunnhildur Lind Hansdóttir hafa samið við körfuknattleiksdeild Skallagríms um að leika með meistaraflokki kvenna í Dominos deildinni á næstu leiktíð.

Maja sem er frá Póllandi lék með liðinu á síðasta tímabili og var öflug, skoraði 11,1 stig, tók 6 fráköst og gaf 2,8 stoðsendingar að meðaltali í leik. Hún leikur stöðu bakvarðar og er 24 ára gömul.

Gunnhildur Lind er uppalin Skallagrímskona og snýr aftur tilbaka eftir meiðsli. Hún var síðast í leikmannahópi liðsins tímabilið 2017-2018 en á að baki fjölda leika í meistaraflokki fyrir Skallagrím. Hún leikur stöðu framherja og er 29 ára gömul.

Mikil ánægja er með þessa samninga og munu Maja og Gunnhildur Lind styrkja Skallagrím vel í baráttunni framundan.

Frekari tíðindi af leikmannamálum meistaraflokks kvenna eru væntanleg á næstunni.

Áfram Skallagrímur!

Mynd 1: Maja í baráttunni í leik gegn Keflavík síðasta vetur.
Mynd 2: Gunnhildur Lind handsalar samninginn við Þórhildi Maríu Kristinsdóttur hjá meistaraflokksráði kvenna.